 |
| Mapera. |
FAIDA ZA MAPERA NA MAJANI YAKE
Utangulizi:
Mapera ni matunda yanayopatikana kwa
wingi lakini mara nyingi huwa hayapendwi sana kutokana na ugumu wake wakati wa
kuyatafuna pamoja na kuwa na mbegu mbegu nyingi. Hata hivyo matunda haya yana
faida kubwa sana kwa afya ya mwili wa mwanadamu.
Faida kumi za Mapera;
1. Utajiri wa Vitamin C
Mapera ya utajiri mkubwa wa Vitamin C ambayo ni muhimu sana katika mwili wa
mwanadamu.
2. Ni kinga nzuri ya kisukari.
Ulaji wa watu wengi unawaweka katika hatari ya kupatwa na ugonjwa wa kisukari
lakini matumizi ya mapera yatakupunguzia hatari ya kupatwa na ugonjwa wa
kisukari Hii ni kwa sababu mapera yana utajiri mkubwa sana wa Fibre. Fibre ni
muhimu sana katika kupunguza kiasi cha sukari kwenye damu. Vilevile ni muhimu
sana katika kuusafisha mfumo wa usagaji
3. Kuimarisha Uwezo Wa Kuona
Mapera yana utajiri mkubwa sana wa
Vitamin A au Retinol ambayo ni muhimu sana katika kusaidia kuona vizuri. Hivyo
basi kama ilivyo kwa karoti, mapera yanasaidia sana katika kuongeza na
kuimarisha uwezo w a mtu kuona.
4.
Kusaidia katika Uzazi
Mapera yana madini yaitwayo Folate ambayo husaidia katika kurutubisha mayai ya
uzazi..
5. Kurekebisha Kiwango Cha Shinikizo
La Damu
Madini ya Potassium yaliyomo ndani ya mapera yanasaidia katika ku-normalise
shinikizo la damu (Blood Pressure). Ndizi na mapera vina kiwango cha potassium
sawa.
6. Utajiri mkubwa wa Madini ya Shaba
Mapera yana madini ya shaba (Trace element copper) ambayo ni mazuri sana katika
kuwezesha ufanyaji kazi wa tezi ziitwazo thyroid. Tezi za thyroid zisipofanya
kazi vizuri zinaweza kusababisha matatizo mengi ya kiafya kwa mwanadamu.
7. Utajiri wa Madini ya Manganese
Mapera yana utajiri mkubwa wa madini ya manganese ambayo yanausaidia mwili
katika kunyonya ama kupata virutubisho muhimu kutoka kwenye vyakula tunavyo
kula. Chakula tunacho tumia kikitumika vizuri mwilini, tunapata virutubisho
vyote muhimu kama vile biotini, vitamin nakadhalika.
8.
Kuusadia mwili na akili kupumzika
Mapeara yana utajiri mkubwa wa madini ya magnesium ambayo hufanya kazi ya
kuvifanya akili na mwili wa mwanadamu viweze kupumzika. Unashauriwa kutumia
mapera baada ya kazi nzito. Hii itasaidia katika kuufanya mwili na akili yako kupumzika.
9. Mapera ni muhimu katika afya ya akili ya mwanadamu.
Vitamin B3, Vitamin B6 ambazo zinapatikana ndani ya tunda la mpera muhimu
katika kuimarisha afya ya akili ya mwanadamu. Mapera yatasaidia kuufanya ubongo
wako upumzike.
10.
Ni muhimu katika ngozi ya mwanadamu
Vitamin C, viondoa sumu na karotini ambavyo vyote vinapatikana ndani ya tunda
la mpera ni muhimu sana katika kuimarisha afya ya ngozi. Kama hiyo haitoshi,
kokwa la mpera huwa linatumika katika kutengeneza vipodozi na losheni kwa ajili
ya matumizi ya mwanadamu. Mapera ni matunda ya msimu yenye wingi wa vitamini A
na C, madini ya potasiam, nyuzi nzuri ya fiber na 'lycophene' vyote hivi ni
muhimu kwa afya. Watu wengi hutumia tunda tu pasipokujua si tunda pekee lenye
manufaa kwa afya. Majani ya mpera ni mazuri kwa ajili ya ngozi, nywele na afya
kwa ujumla. Ifatayo ni njia kadhaa za kutumia majani ya mpera kwa ajili ya afya
yako.
Faida ya majani ya Mapera:
1. Chai ya majani ya mpera inasaidia mwili kuwa stadi, inasaidia madini ya
carbohydrates yasigeuzwe kuwa sukari ndani ya mwili hiyvo kupunguza hamu ya
kula.
2. Chai ya majani ya mpera pia inashusha kiwango cha sukari mwilini na kuzuia
mwili kuondoa 'insulin'. Kwa sababu ya hii wagonjwa wa sukari wanashauriwa
kuitumia mara kwa mara.
3. Chai ya majani ya mpera pia hupunguza lehemu mbaya (bad cholestrol) bila
kudhuru lehemu nzuri.
4. Chai hii ina nguvu za kudhibiti vijidudu vya magonjwa mwilini hasa kuzuia
magonjwa ya kuharisha na kipindupindu.
5. Chai hii inasitisha mchafuko wa tumbo na pia inasaidia kukabili madhara
yaletwayo na chakula chenye sumu.
6. Chai hii hutibu kukooa na kupumua kwa tabu.
7. Upatapo uvimbe wa fizi na maumivu mdomoni kama jino kuuma, tafuna majani ya
mpera.
8. Kwa matatizo ya homa ya dengue, chemsha glasi mbili na nusu na majani ya
mpera (kadiria majani 9) mpaka maji yabakie nusu ya ujazo wa awali.
9. Chai ya majani ya mpera imefahamika kutibu kansa na 'prostrate' kwa wanaume.
10. Chai hii inasaidia kwa wanaume wenye tatizo la kuzalisha (Infertility).
11. Ponda majani ya mpera na kuweka
sehemu ya kidonda au iliyokatika kuondoa maambukizi. Kwa maumivu nje ya sikio
tumia chai ya majani ya mpera. Tia matone ya chai hii iliyopoa kwenye sehemu
iliyoathirika.
13. Majani ya mpera hupondwa na
kupakwa eneo lenye muwasho uletwao na mzio (allergy).
14. Unapoumwa na wadudu majani yalipondwa ni tiba sahihi.
15. Majani ya mpera yana saidia kupigana na mba na chunusi kutokana na wingi
wake wa vitamini C.
16. Kuondoa madoa meusi kwenye ngozi ponda majani ya mpera changanya na maji
kiasi na upake badala ya dawa za kawaida.
17. Fanya kama na.16 kwa tatizo la ngozi kuzeeka mapema.
18. Majani ya mpera yanaondoa tatizo la kukatika kwa nywele. Chemsha majani
kisha wacha yapoe na ukande kwenye paji na eneo la ngozi taratibu kwa dakika
15. Wacha kwa dakika 30 kisha usha na maji masafi bila shampoo au sabuni. Fanya
hivo mara 3 kila wiki.
N.B: Namna ya kutengeneza Chai ya Mpera:
Kuna namna mbili;
Aina ya Kwanza,
chemsha maji kama glasi nne mpaka yachemke sana, chukua majani kama 10 ya
mpera, weka ndani ya maji ya moto alafu funika kwa dakika 10 - 15 koroga chuja,
chai yako Tayari.
Aina ya Pili,
ni chemsha maji hayo pamoja na majani yakiwa ndani. Iki-kokota ondoa kwa moto,
wacha kwa dakika 10 -15 chuja, chai tayari. Waweza kutumia majani yaliyokauka
pia. Kabla sijasahau ni vizuri zaidi ukichanganya na asali badala ya sukari.
Source: JAMII
ISLAM.
